Айни кунларда «Талимаржон ИЭС» акциядорлик жамиятида инвестиция лойиҳаси асосида умумий қуввати 1065 МВт бўлган иккита буғ-газ қурилмаси қурилиши жадал олиб борилмоқда.

«Талимаржон ИЭС» АЖ инвестиция лойиҳасини амалга ошириш гуруҳи мутахассиси Мурод Бўроновнинг сўзига кўра, бу ердаги ҳар бир иш ўз вақтида сифатли амалга оширилмоқда.

<iframe width="650" height="420" src="https://www.youtube.com/embed/we_af6nk_VY" title="“Talimarjon IES”da umumiy quvvati 1065 megavattli ikkita bugʻ-gaz qurilmasi bunyod etilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

– Ҳозирги пайтда 3-блок газ қурилмасининг буғ турбинаси юқори ва ўрта босим цилиндри ўрнатилди. Бу қурилма Япониянинг «Mitsubishi Power» компаниясига тегишли бўлиб, унинг қуввати 189,5 мегаваттни ташкил этади. Буғ турбинаси генераторининг тўлиқ қуввати 223 мегавольт амперга тенг. Шунингдек, Хитойнинг «Nooter Eriksen» компанияси қозон утилизатори 8-модулининг юқори босимли буғ қиздиргич қисмлари ўрнатиб бўлинди, –деди М. Бўронов.

2025 йилда ишга туширилиши режалаштирилган мазкур буғ-газ қурилмалари орқали йилига қўшимча 8,5 миллиард киловатт соат электр энергияси ишлаб чиқарилади.

Насиба Зиёдуллаева, Анвархўжа Аҳмедов, ЎзА