Ауғанстан үкіметін басқарушы «Талибан» қозғалысы елде валюталық операцияларға тыйым салғанын жариялады.

Ішкі істер министрлігі тәртіп бұзушыларға қатаң жаза қолданылатынын ескерткен.

«Ауғанстан Ислам Әмірлігі Министрлер Кабинетінің шешіміне сәйкес жерді, үйлерді, дүкендерді, базарларды, пәтерлерді, құрал-саймандарды, көлік құралдарын сатып алуға және сатуға, шетел валютасына жалға алу мен ипотекаға қатаң тыйым салынады»,- делінген Ішкі істер министрлігінің сайтында жарияланған хабарламада.

Сонымен қатар «Министрлер кабинетінің шешімін жүзеге асыру мақсатында Ішкі істер министрлігі облыстардағы барлық полиция бөлімшелері мен барлау қызметтеріне мұндай жағдайларды үнемі қадағалап, қатаң алдын алуды тапсырады. Тәртіп бұзғандар шариғат пен заңға сәйкес қатаң жазаланады», - делінген құжатта.