Талабалар учун поездларга чегирмалар эълон қилинди
Республика олий таълим муассасаларида таҳсил олаётган талабаларга қишки таътил мобайнида маҳаллий йўналишдаги қатновлар учун "Ўзтемирйўлйўловчи" АЖ томонидан поезд қатновларига чегирмалар эълон қилинди.
2023 йилнинг 25 декабридан 2024 йилнинг 7 январига қадар давом этадиган ушбу чегирмалар ўрнатилган тартибда барча маҳаллий йўналишдаги йўловчи поездларнинг темир йўл ҳужжати тўлиқ қийматидан 50 фоиз миқдорида амал қилади.
Хабарда келтирилишича, чегирмалар SV /VIP класс вагонлари ва юқори тезликда ҳаракатланувчи "Афросиёб" электропоездларига нисбатан қўлланилмайди.
Маълумот учун, чипталарни eticket.railway.uz сайтидан электрон тарзда харид қилиш мумкин.
М.Комилова,
ЎзА