Халқ банкида “Халқаро коррупцияга қарши курашиш куни” муносабати билан “Очиқ эшиклар” куни бўлиб ўтди. Тадбирда банк фаолиятининг очиқлиги ва шаффофлиги, коррупцияга қарши курашиш ҳамда унинг олдини олиш борасида олиб борилаётган ишлар тўғрисида сўз юритилди.

Хусусан, Акциядорлик тижорат Халқ банки Ички назорат ва комплаенс хизмати ходимлари томонидан ишга қабул қилиш учун 2024 йилда 759 та ҳужжат топширган номзодлар ўрганилиб, тегишли хулосалар берилди. Тендер, танлов ва тўғридан-тўғри харидларни амалга ошириш жараёнида иштирокчилар (контрагентлар)да аффилланганлик, манфаатлар тўқнашуви ва бошқа коррупциявий хатарларнинг олдини олишга қаратилган 170 та контрагентлар юзасидан ўрганишлар ўтказилиб, тегишли хулосалар берилган. Ички назорат ва комплаенс хизмати томонидан кунлик банк операциялари тўлиқ назоратдан ўтказилиб, аниқланган ҳар қандай қонун бузилиш ҳолатлари бўйича белгиланган тартибда ҳуқуқни муҳофаза қилувчи органларга хабар бериб келинмоқда. 

Бундан ташқари, тизимда мижозларга хизмат кўрсатиш сифатини янада яхшилаш ҳамда коррупцион ҳолатлар аниқланганда зудлик билан банк марказий аппаратининг Ички назорат ва комплаенс департаментига хабар беришни таъминлаш мақсадида komplayens@xb.uz электрон почтаси ҳамда “Тезкор хабар” мобил иловаси жорий этилган. Мазкур алоқа каналлари орқали келиб тушган мурожаатлар инсон омилисиз автоматик равишда қабул қилиниб, белгиланган тартибда кўриб чиқилади, аниқланган ҳолатлар юзасидан тегишли тартибда чоралар кўриб борилади. Хусусан, жорий йил январь-ноябрь ойлари давомида олиб борилган кенг кўламли ишлар натижасида ўзлаштириш ва шу каби нохуш ҳолатлар сони ўтган йилнинг мос даврига нисбатан 47 фоизга камайган. 

[gallery-20877]

Коррупцияга қарши курашиш борасида банкда муайян ишлар олиб борилмоқда ва бу борада қатор ютуқларга эришилди. Жумладан, жорий йилнинг май ойида Банкнинг коррупцияга қарши менежмент тизими ISO 37001:2016 халқаро стандартининг мувофиқлик сертификатини қўлга киритди. 

Давлат идораларининг коррупцияга қарши курашишдаги фаолияти самарадорлигининг 2023 йил якунлари бўйича 95 та давлат ташкилотининг коррупцияга қарши курашиш ишларининг самарадорлиги рейтинг натижалари бўйича Халқ банки 87 балл тўплаб, баҳоланганлар рўйхатининг 12-поғонасини эгаллади. 

Шунингдек, давлат ташкилотларининг очиқликни таъминлаш соҳасида амалга оширилган ишларнинг самарадорлиги ва натижадорлигини баҳолаш якунларига кўра, Халқ банки фаолиятида шаффофлик ва очиқликни таъминлаб, 2023 йил якунлари бўйича “Очиқлик индекси” рейтинги жадвалида 83,8 балл тўплаб жами тижорат банклари орасида 1-поғонани, 103 та ташкилотлар орасида 7 поғонани эгаллади. 

<iframe width="650" height="420" src="https://www.youtube.com/embed/yt2Cv7GZJhc" title="“Xalq banki”da “Ochiq eshiklar” kuni boʻlib oʻtdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, Носиржон Ҳайдаров (сурат), ЎзА