Хитой Халқ Республикасининг Лучжоу шаҳрида аралаш жанг санъатлари бўйича ўтган Осиё чемпионатида ўзбекистонлик ёш спортчи совриндорликка эришди.

Ўзбекистон давлат жисмоний тарбия ва спорт университети талабаси Миржамол Мирсаидов ММА бўйича -60 килограмм вазнда қитъанинг энг маҳоратли спортчиларига муносиб қаршилик кўрсатди.

Саралаш беллашувларида зафар қучган ҳамюртимиз финал остонасида хитойлик рақиби билан ўтказган тенг кураш натижасига кўра, 3-ўринни эгаллади.

Чемпионатда иродасини намойиш этган Миржамол Мирсаидов бронза медали, диплом ва тегишли пул мукофоти билан тақдирланди.

Т.Рўзиев, ЎзА