Бугун, 2 сентябрь куни 82 нафар талаба-спортчилар, мураббий ва мутахассислардан иборат Ўзбекистон спорт делегацияси жорий йилнинг 3-9 сентябрь кунлари Қирғизистоннинг Чўлпон-ота шаҳрида талабалар ўртасида бўлиб ўтадиган III Туркий давлатлар универсиада ўйинларида иштирок этиш учун жўнаб кетди.

Универсиада ўйинларида Қирғизистон, Қозоғистон, Туркия, Озарбайжон ва Ўзбекистон жамоалари қатнашиш талабномаларини тақдим этган.

Ўйинлар дастурига мувофиқ, мусобақалар еттита спорт тури - шахмат, стол тенниси, волейбол, дзюдо, эркин ва юнон-рум кураши ҳамда футзал бўйича ўтказилади.

Мазкур Универсиада ўйинларида мамлакатимиз талаба-спортчилари дастурдан ўрин олган барча йўналишларда Ватанимиз шарафини ҳимоя қилади.

Т.Рўзиев,

ЎзА