Туман ҳокимининг таъкидлашича, маҳаллий давлат ҳокимияти органларининг фуқаролар мурожаатлари билан ишлаш самарадорлиги ва маълумотларнинг очиқлиги кўрсаткичлари бўйича Президент Виртуал ва Халқ қабулхоналари орқали келиб тушган такрорий мурожаатлар сони 117 тани ташкил этади.

Жорий йилнинг ўтган биринчи ярим йиллиги давомида Ўзбекистон Республикаси Президентининг Виртуал ҳамда Халқ қабулхоналаридан жами 31 та такрорий мурожаат келиб тушган бўлиб, ўтган йилнинг мос даврига нисбатан 26 тага камайган (2019 йилда 57 та).

Келиб тушган такрорий мурожаатларнинг асосий қисми уй-жой ажратиб бериш ва уй-жойини таъмирлаш масалаларига тўғри келмоқда.

2019 йилда келиб тушган жами 342 та мурожаатнинг 158 таси ёки 46 фоизи қаноатлантирилган.

Бу борада жорий йилнинг ўтган биринчи ярим йиллиги давомида Президент Виртуал ҳамда Халқ қабулхоналаридан жами 122 та мурожаат келиб тушган бўлиб, бу кўрсаткич ўтган йилнинг мос даврига нисбатан 57 тага ёки 32 фоизга камайган.

122 та мурожаатнинг барчаси тегишли тартибда кўриб чиқилиб, шундан 34 фоизи қаноатлантирилган. (2019 йилда 30 фоизи қаноатлантирилган).

Шуни алоҳида таъкидлаш керакки, жорий йилнинг 9 ойида жами 211 та мурожаат келиб тушган бўлса, шундан 121 таси қаноатлантирилган бўлиб, ҳисобот даврида такрорий мурожаатлар қайд этилмаган.

Туман сектор раҳбарлари томонидан жорий йилнинг 6 ойи давомида қабул қилинган мурожаатлар билан ишлашда мурожаатларнинг аниқ эгаларига йўналтирилиши, ижроси доимий назоратга олиниши, натижаси муҳокама қилиниши ҳамда такрорий мурожаатлар билан алоҳида ишлаш тизими йўлга қўйилиши натижасида ўтган йилнинг шу даврига нисбатан ижобий ўзгаришларга эришилди.