Таиландда муссон ёмғири сабаб юзага келган сув тошқини ва кўчки туфайли ҳалок бўлганлар сони 22 нафарга етиб, 19 инсон жароҳат олгани айтилмоқда.

“Bangkok Post” газетаси Табиий офатларга қарши курашиш департаментига таяниб хабар беришича, қарийб 30 минг хонадон жабр кўрган. Қидирув-қутқарув ишлари давом этяпти.

Шимолдаги Чианграй, Нан, Паяо, Петчабун ва Праэ музофотларида сув тошқини хавфи сақланиб қолмоқда.

Ҳар йили июнь-сентябрь ойлари орасида муссон ёмғири Жанубий Осиёда кенг кўламли табиий офат ва бахтсиз ҳодисаларга сабаб бўлади.