Өзбекстан Республикасы Президентінің «2025 жылы ЮНЕСКО Бас конференциясының 43-сессиясын Самарқанд қаласында өткізуге дайындық шаралары туралы» қаулысының орындалуын қамтамасыз ету мақсатында Өзбекстан мемлекеттік өнер және мәдениет институтының делегациясы Тайландқа сапармен барды.

Делегация мүшелері Бангкок қаласындағы Чулалонгкорн университетінде Өзбекстан тарихы мен ұлттық мәдениетіне арналған насихат шарасын ұйымдастырды.

Шараның ашылуында Өзбекстан Республикасының Бангкок қаласындағы Бас консулы, БҰҰ-ның Азия және Тынық мұхиты Экономикалық және әлеуметтік комиссиясының тұрақты өкілі Фахриддин Султонов және институт проректоры Шохбек Эргашев сөз сөйледі.

[gallery-21588]

Шарада ұлы ата-бабаларымыздың ғылыми-танымдық мұрасы туралы баяндамалар, ұлттық қолөнер және кондитерлік өнімдер көрмесі көрсетілді. Сондай-ақ, институттың профессор-оқытушылары мен студент-жастары ұлттық күй-әндер мен билерден және классикалық ғазалдардан тұратын театрландырылған концерттік бағдарлама ұсынды.

Делегация өкілдері елімізде жүргізіліп жатқан ауқымды реформалар, оның нәтижесінде орын алып жатқан үлкен өзгерістер, Өзбекстанның туристік әлеуеті, тарихи ескерткіштері туралы да мәлімет берді.

Қуаныштысы, шара қатысушыларының басым көпшілігі еліміз және өзбек өнері мен мәдениеті туралы, әсіресе соңғы жылдары жүргізіліп жатқан реформалар туралы жеткілікті ақпаратқа ие екендіктерін және бұл өзгерістерді қызығушылықпен қарап жүргендерін атап өтті.