Бирлашган Араб Амирликларининг Фужайра шаҳрида таэквондо WT бўйича кичик ўсмирлар ўртасида жаҳон чемпионати давом этмоқда.

"Zayed Complex" мажмуасида ўтаётган дунё биринчилигининг бугунги беллашувларида йигитлар 45, +65, қизлар эса 47 ва 51 кг. вазн тоифаларида баҳс олиб боради. Қувонарлиси, мазкур вазнларда Ўзбекистон терма жамоасининг қуйидаги аъзолари ҳам медаллар учун курашади.  

Жуфтликлар қуйидагича:

Йигитлар

45 кг. вазнда 1/16 финал босқичи: Максим Ким – Ачим Ресимо (Филиппин)/Маркус Лам (Канада) баҳси ғолибига қарши.

+65 кг. вазнда 1/16 финал босқичи: Дашук Ратмир –  Амин Моҳамммедзаде (Эрон).

Қизлар

47 кг. вазнда 1/32 финал босқичи: Нозима Тангирова – Хор Члое Спенсер (Австралия).

51 кг. вазнда 1/32 финал босқичи: Маҳбуба Мўминова – Риад Талине Велли (Фаластин).

Эслатиб ўтамиз, ҳозирда Ўзбекистон терма жамоаси ҳисобида -37 кг. вазн тоифасида Султонбек Набиев томонидан қўлга киритилган олтин медаль мавжуд.

Жавоҳир Тошхўжаев, ЎзА