Хитойнинг Уси шаҳрида таэквондо WT бўйича жаҳон чемпионати бошланди. Унда Ўзбекистон таэквондо терма жамоаси 15 нафар вакил билан иштирок этмоқда.

Бугун, 24 октябрь куни чемпионатнинг илк кунида Мадина Мирабзалова (-57 кг.) ва Марат Мавлонов (+87 кг.) ўз вазнларидаги дастлабки баҳсларини ўтказди. Жумладан, Марат 1/16 босқичида Мартиника ороллари вакили Жонатан Лауренни мағлуб этиб, нимчорак финалда италиялик Маттия Молин билан рақобатлашадиган бўлди.

Мадина Мирабзалова эса биринчи даврада исландиялик Ингибжорж Гретарсдотирни, иккинчи босқичқда британиялик Тейган Смитни таслим этди ва чорак финал йўлланмаси учун ўтадиган жангда иорданиялик Фадия Хирфан билан куч синашиш ҳуқуқини қўлга киритди.  

Эслатиб ўтамиз, эртага 25 октябрь куни Лайло Ҳасанова (-49 кг.), Назарли Назаров (-63 кг.) жаҳон чемпионлиги даъвосида даянга чиқади.  

Жавоҳир Тошхўжаев, ЎзА