Xitoyning Tayyuan shahrida taekvondo WT bo‘yicha kattalar o‘rtasida "G6" tasnifiga kiruvchi Gran-Pri musobaqasi o‘tkazilmoqda.

Unda vazni 49 kg bo‘lgan milliy terma jamoa a’zosi Madinabonu Mannopova bronza medalini qo‘lga kiritdi. M.Mannopova mazkur medalni qo‘lga kiritish yo‘lida turkiyalik Rukiye Yildirim, marokashlik Omayma El Buchtini hamda saudiyalik Dunya Ali Abutalebni mag‘lubiyatga uchratdi.

Bugun, 11 oktyabr kuni musobaqada besh nafar sportchimiz — Ulug‘bek Rashitov, Niyoz Po‘latov, Shuhrat Salayev, Jasurbek Jaysunov hamda Feruza Sodiqova dayanga ko‘tariladi.

Javohir Toshxo‘jayev, O‘zA