Япониянинг Токио шаҳрида XXV Сурдлимпия ўйинлари ташкил этилди. Унда таэквондо WT бўйича Ўзбекистон терма жамоаси аъзолари ҳам пумсе ва кёруги йўналишларидаги беллашувларда муносиб иштирок этди ва делегациямиз ҳисобига 1 та олтин, 4 та кумуш, 5 та бронза, жами 10 та медални тақдим этди.

Мусобақа давомида Гўзал Эшмирзаева (67 кг.) барча рақибларини таслим этиб, олтин медални қўлга киритган бўлса, Ҳожиакбар Ҳакимов (58 кг.), Дилбар Тожибоева (49 кг.), Шаҳризода Нуриддинова (57 кг.) ва Мафтуна Абдуюсупова (+67 кг.) финалга қадар муваффақиятга эришган ҳолда кумуш медаль билан тақдирланди.

Шунингдек, ўз йўналишлари ва вазнларида Шоҳруз Абдураҳмонов, Робия Мирасқарова, Ўткирбек Турдалиев ҳамда Асадбек Турдибоев бронза медалига эга чиқди.

Жавоҳир Тошхўжаев, ЎзА