Таэквондо WТ: Рашитов ва Осипова "Катта дубулға" турнири финалида
Хитойнинг Уси шаҳрида таэквондо WТ бўйича давом этаётган "Катта дубулға" турнирининг биринчи кунги саралаш босқичида аёллар 49 ва 67 кило оғирликда, эркаклар 68 кг ва +80 килограммдаги баҳсларда иштирок этди.
Дастлабки кун якунларига кўра, ҳамюртларимиздан Мадинабону Маннопова (49) ҳамда Никита Рафалович (+80) финал босқичига йўлланмани қўлга киритди.
Халқаро турнир ташкилий қўмитаси Ўзбекистон терма жамоаси аъзоларидан Улуғбек Рашитов (68) ва Светлана Осипова (+73)га ҳам эртага, 1 апрель куни ўтадиган мусобақанинг финал баҳсларида тўғридан-тўғри қатнашиш учун расмий таклифнома тақдим этди.
Бугун кун давомида қолган вазнларда финал йўлланмалари учун беллашувлар ўтказилади, дейилади Миллий олимпия қўмитаси хабарида.
ЎзА