Тошкент шаҳрида жойлашган мамлакатимиз таэквондо WT ассоциацияси базасида Ўзбекистон миллий терма жамоаси, Қозоғистон, Хитой, Тунис, Грузия, Саудия Арабистони, Беларусь ва Иордания терма жамоалари иштирокида навбатдаги халқаро ўқув-машғулот йиғини ўтказилмоқда.

Мазкур йиғин доирасида “Универсал” спорт саройида етти мамлакат таэквондо WT терма жамоа аъзолари ўртасида спарринг жанглари ўтказилди. Унда ёш спортчиларимиз жаҳон ва Олимпия ўйинлари ғолиб ва совриндорлари билан ўз маҳоратларини синовдан ўтказди. Шунингдек, ёш спортчиларимиз иқтидорли таэквондочилар жангларини кўриб, ўзлари учун улкан тажриба тўплади.

Маълумот ўрнида: қўшма йиғин доирасида машғулотлар 20 апрель кунига қадар давом этади.  

Машғулотлар давомида ҳар бир спортчининг синов спаррингларида иштирок этиши белгиланган.  

Аҳамиятлиси, Тошкентдаги йиғинда Улуғбек Рашитов ва Светлана Осипова (Ўзбекистон), Муҳаммад Ҳалил Жендуби ва Фирас Катасу (Тунис), Лианг Юшуаи (Хитой), Салеҳ Элшарабати ва Заид Алҳалавани (Иордания), Георги Гуртсиэв (Беларусь) каби Олимпиада ва жаҳон чемпионатларининг бир қатор ғолиб ва совриндорлари иштирок этмоқда.

<iframe width="640" height="420" src="https://www.youtube.com/embed/agoMhqAkSbY" title="Taekvondo WT boʻyicha Olimpiya va jahon chempionati sovrindorlari Toshkentda jam boʻldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, ЎзА