Кеча Ўзбекистон таэквондо WT ассоциациясининг тақдимот режаси тингланди. Унда Миллий олимпия қўмитаси президенти Рустам Шоабдураҳмонов, Жисмоний тарбия ва спорт вазирлиги ҳамда Қўмитанинг мутасадди вакиллари иштирок этди.

4 йиллик даврни қамраб олган режа билан Ўзбекистон таэквондо WT ассоциацияси раиси Шерзод Ташматовнинг ўзи таништириб ўтди. Тақдимотда Токио-2020 Олимпия ўйинларига йўлланма олиш учун ҳаракат қилаётган спортчиларимиз ва уларнинг имкониятлари, Ханчжоу-2022 Осиё ўйинлари ва Париж-2024 Олимпиадасига тайёргарлик дастури ҳақида батафсил маълумот бериб ўтилди. 

Шунингдек, тақдимотнинг асосий мавзуси юртимизда ушбу спорт турини оммавийлаштириш йўналишига ҳам қаратилган бўлиб, унда бу борадаги режалар ҳам аниқ кўрсатилган.

Тадбир давомида МОҚ раҳбари ҳам дастур бўйича ўз таклиф ва мулоҳазаларини билдирди.