Таэквондо ITF 65 ёшда!
«Таэквондо» сўзи – корейсчадан таржима қилинганда «қўл ва оёқ бирдамлиги» маъносини беради.
1955 йилнинг 11 апрелида генерал Чой Хон Хи бутун дунёга таэквондони тақдим этган эди. «Таэквондо» сўзи – корейсчадан таржима қилинганда «қўл ва оёқ бирдамлиги» маъносини беради.
1966 йилда Таэквондо ITF бутун жаҳон бўйлаб тараққий эта бошлади. Шу йилнинг ўзида Халқаро Таэквондо федерацияси ташкил этилиб, бош штаб квартираси Австриянинг Вена шаҳрида иш бошлади.
Ҳозирги кунда Таэквондо ITF билан дунёнинг 214 та давлатида 100 миллиондан зиёд спортчилар шуғулланиб келади.
Ўзбекистонда таэквондо ITF 1989 йилдан бери фаолият кўрсатмоқда. Бу спорт тури ҳам ёшларнинг севимли машғулотига айланиб улгурган.
