Yurtimizda Biznes-ombudsman tomonidan tadbirkorlik sub’ektlarining qonuniy manfaatlarini ta’minlash, ularning huquqini himoya qilish bo‘yicha aniq chora-tadbirlar amalga oshirilmoqda. Shu bilan mazkur institut tadbirkor va ishbilarmonlar ishonchini oqlab kelmoqda.

Xususan, Toshkent shahrida faoliyat yurituvchi “Business” MCHJ (nomi o‘zgartirilgan) Biznes-ombudsmanga Majburiy ijro byurosi xodimlarining harakatsizligidan norozi bo‘lib murojaat qildi.

Murojaatga ko‘ra, tadbirkor tomonidan elektron auksion orqali Beton mahsulotlarini ishlab chiqarish zavodi xarid qilingan. Shunga qaramasdan, Majburiy ijro byurosining Toshkent shahri Yakkasaroy tumani bo‘limi xodimlari tomonidan tegishli hujjatlar asossiz ravishda rasmiylashtirilmagan.

Biznes-ombudsmanning aralashuvi bilan tadbirkor auksion orqali xarid qilgan mulkiga hujjatlar rasmiylashtirildi.

Gulnoza Boboyeva, O‘zA