Тадбиркорлик фаолияти юртимиз иқтисодиётининг устувор йўналишларидан бири этиб белгиланган. Шу боис тадбиркорлар давлатимиз томонидан мунтазам қўллаб-қувватланмоқда. Хусусан, ўтган йили кичик бизнес субъектларига жами 120 триллион сўмлик кредит ва молиявий ёрдамлар ажратилди. Натижада, пандемиядан зарар кўрган 104 мингдан ортиқ корхона фаолияти тикланиб, хусусий корхоналар пул айланмаси ўтган йилга нисбатан 33 фоизга ўсди. Тадбиркорлик фаолияти юртимиз иқтисодиётининг устувор йўналишларидан бири этиб белгиланган. Шу боис тадбиркорлар давлатимиз томонидан мунтазам қўллаб-қувватланмоқда. Хусусан, ўтган йили кичик бизнес субъектларига жами 120 триллион сўмлик кредит ва молиявий ёрдамлар ажратилди. Натижада, пандемиядан зарар кўрган 104 мингдан ортиқ корхона фаолияти тикланиб, хусусий корхоналар пул айланмаси ўтган йилга нисбатан 33 фоизга ўсди.

Жорий йил биринчи чорагида 27 мингта янги тадбиркорлик субъекти ташкил топган. Тадбиркорлик учун ажратилган кредитлар ўтган йилнинг мос даврига нисбатан 13 фоизга ўсган.  

Мамлакатимизда тадбиркорликни янада либераллаштириш, тўғридан-тўғри хорижий инвестицияларни жалб этиш, миллий маҳсулотларимизни экспорт салоҳиятини ошириш борасида ҳам тизимли ишлар йўлга қўйилган.  

Буни Тошкент шаҳар божхона бошқармаси “Аркбулоқ” ташқи иқтисодий фаолият божхона пости мисолида ҳам кузатиш мумкин. Шу йилнинг ўтган 5 ойи мобайнида божхона постида 39 минг 535 та божхона юк декларациялари расмийлаштирилиб,  1 триллион 583 миллиард сўмлик божхона тўловлари давлат бюджетига ўтказилди.  

-Тадбиркорлик субъектларини қўллаб-қувватлаш мақсадида божхона тўловларидан 1 триллион 147,7 миллиард сўмлик имтиёзлар берилди, -дейди “Аркбулоқ” божхона пости катта инспектори Гулсара ГУЛЯМОВА. -Шунингдек, мазкур божхона постида 12 минг 141 та божхона кўриги жараёнлари амалга оширилиб, кўриклар натижасида 229 та ҳолатда 2 миллиард 633 миллион сўмдан ортиқ қийматдаги ноқонуний товарлар борлиги аниқланди. Шунингдек, 1 триллион 414,2 миллион сўмлик қўшимча божхона тўловлари ҳисобланди. Хавфни бошқариш тизими доирасида товарларга расмийлаштирилган божхона юк декларацияларининг 30 фоизи қизил, 49 фоизи сариқ ҳамда 21 фоизи яшил йўлакларда соддалаштирилган тартибда божхона назорати ва расмийлаштирувидан ўтказилди. Божхона назорати ва расмийлаштируви жараёнида яратилган қулайликлар тадбиркорлар, айниқса экспортёрлар томонидан  қўллаб-қувватланмоқда.  

Шаҳноза МАМАТУРОПОВА,  

ЎзА