Наманган вилояти Чуст тумани тиббиёт бирлашмаси бош ҳисобчиси Б.С. “Ч.О.” масъулияти чекланган жамияти билан тузилган шартномага асосан тиббиёт бирлашмасига озиқ-овқат маҳсулотлари етказиб бериш учун ўтказиб берилган 1,3 миллиард сўм эвазига жамият иш бошқарувчи М.М.дан ушбу маблағнинг ўн фоизи миқдорида “улуш” талаб қилган.

У шундан 2,3 минг АҚШ долларини олган вақтда Бош прокуратура ҳузуридаги Департаментнинг Чуст тумани бўлими томонидан ДХХ ходимлари билан ҳамкорликда ўтказилган тезкор тадбирда ушланди.  

Унинг кўрсатувига асосан давом этган тадбирда бирлашма бош шифокори С.К. бош ҳисобчидан шу пулларни олган вақтда ашёвий далиллар билан қўлга олинди.  

Департамент матбуот хизматидан хабар беришларича, мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.  

Н.Абдураимова, ЎзА