ФОТОРЕПОРТАЖ

Бугунги кунда “корхонабай” ишлаш тизимида Фарғона вилоятидаги 15 мингдан ортиқ ҚҚС тўловчи корхонага 65 нафар солиқ инспектори бириктирилган. Улар солиқ тўловчиларга солиқ мажбуриятларининг ўз вақтида ва тўғри бажарилишида индивидуал равишда яқиндан кўмаклашиб келмоқда.

Солиқ хизмати органлари ходимлари Қўқон ЭИЗ зонасида жойлашган “Mollis” МЧЖда бўлиб, тадбиркор фаолияти билан яқиндан танишдилар.  

Таъкидлаш жоизки, солиқ ҳисоботларини вақтида топшираётган, белгиланган солиқларни ўз вақтида тўлаётган ушбу намунали тадбиркор Барқарорлик рейтингида энг юқори “ААА” тоифага чиққан.

Эслатиб ўтиш жоиз, “ААА” тоифадаги тадбиркорлик субъектларига ҚҚС суммаси ўрнини қоплаш, яъни қайтариш бир кун муддатда текширувларсиз автоматлаштирилган тартибда амалга оширилади.  

Шу боис, “Mollis” МЧЖ 2024 йилда 6,4 миллиард сўм, жорий йил апрель ойи ҳолатида 1,2 миллиард сўм, жами 7,6 миллиард сўм миқдоридаги ҚҚС тўловларини қайтариб олди. Қайтариб олинган маблағлар корхона фаолиятини кенгайтириш, экспорт салоҳиятини ошириш, янги иш ўринлари яратишда муҳим омил бўлмоқда.

[gallery-23624]

Муқимжон ҚОДИРОВ (сурат), ЎзА