“O‘zenergoinspeksiya” axborot xizmatining ma’lum qilishicha, Samarqand shahridagi “B.Q.S.” MCHJga qarashli 21 xonali ko‘p qavatli uy binosida loyiha hujjatlari rasmiylashtirilmagan holda tarmoqqa to‘g‘ridan-to‘g‘ri ulanib, tabiiy gazdan noqonuniy foydalanib kelinayotgani aniqlandi.

Dastlabki hisob-kitoblarga ko‘ra, ushbu qoidabuzarlik sababli gaz ta’minoti korxonasiga 3 milliard 560 million so‘mlik zarar yetkazilgan. 

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

N.Ziyodullayeva tayyorladi,

O‘zA