Nukusda ІT-Park va Muhammad al-Xorazmiy nomidagi TATU Nukus filiali hamkorligida qo‘shma inkubatsiya markazi tashkil qilinadi. Bu bo‘yicha TATU Nukus filiali direktori, t.f.d., professor B.Qaipbergenov va ІT-Park direktori o‘rinbosari A.Kuchkarov sheriklik memorandumini imzoladi.

Shartnomaga ko‘ra, ІT-ta’limning muhim ekanligi inobatga olingan holda, axborot texnologiyalari, ІT-Rark faoliyati, start-up loyihalari ekotizimini joriy qilish va rivojlantirish, raqamli iqtisodiyot, elektron hukumatni keng joriy qilish, shuningdek, qobiliyatli yoshlarni qo‘llab-quvvatlash ekotizimini yaratish nazarda tutilgan.

Ye.Qanoatov, O‘zA