Өзбекстан Сыртқы істер министрлігінде елдегі конституциялық реформаларға арналған дөңгелек үстел өтті.

Атаулы шараға министрліктің жауапты қызметкерлері, Әлемдік экономика және дипломатия университетінің оқытушылары мен профессорлары, сондай-ақ Өзбекстанның шетелдегі дипломатиялық өкілдіктерінің мамандары қатысты.

Дөңгелек үстелде Өзбекстан Сыртқы істер министрінің міндетін атқарушы Владимир Норов, Олий Мажлистің Заң шығару палатасы төрағасының бірінші орынбасары, Конституциялық комиссия төрағасы Акмал Саидов сөз сөйлеп, Өзбекстанның даму стратегиясында қойылған кең ауқымды міндеттер, халықтық мемлекет құру, адам құқықтары мен мүдделерін, қадір-қасиетін неғұрлым тиімді қорғау түбегейлі талаптарға сай жаңа конституциялық-құқықтық кеңістік құру қажеттілігін тудырғанын атап өтті.

Ұсыныстарды талдау Өзбекстанда болып жатқан ауқымды өзгерістерге халықтың бей-жай қарамайтынын, азаматтар реформалардың белсенді қатысушысы болуға ұмтылғанын көрсетуде.

Конституциялық заң жобасында Конституцияның 60-тан астам бабына 200-ден астам түзетулер енгізу көзделген. Конституцияға енгізілген түзетулер «адам-қоғам-мемлекет» принципіне негізделген, ұлттық конституциялық бірегейлікті көрсетеді және қолданыстағы Конституцияның барлық тарауларына түбегейлі өзгерістер енгізуді көздейді.

Айта кету керек, Конституциялық өзгерістер, ең алдымен, қоғамның әртүрлі әлеуметтік топтарына жататын азаматтардың жеке, әлеуметтік, экономикалық, саяси, мәдени және экологиялық құқықтары мен мүдделерін қамтамасыз етуге және қорғауға бағытталған тікелей нормаларға айналады.

Өзгерістер мен толықтырулар бірінші кезекте «адамның капиталы үшін» қағидатын жүзеге асыруға бағытталған.

Қазіргі уақытта Өзбекстанда Конституциялық реформалар үдерісі қарқынды жүріп жатыр.

25 маусымда басталған қоғамдық талқылаудың қорытындысы шығарылып, заң жобасы одан әрі жетілдірілетін болады.

Оның қорытындысы бойынша «Өзбекстан Республикасының Конституциясына өзгертулер мен толықтырулар енгізу туралы» Конституциялық заң жобасы референдумға шығарылады.