Сырдария облысының орталығында екі елдің 130-дан астам компаниясы өкілдерінің қатысуымен Өзбекстан-Қытай бизнес форумы өз жұмысын бастады.

Dunyo ақпарат агенттігінің хабарлауынша, форумды Өзбекстан Премьер-министрінің орынбасары Жамшид Ходжаев ашты.

Шарада сөз сөйлеген Өзбекстан Сыртқы істер министрі Бахтиёр Саидов екі ел басшыларының саяси ерік-жігері мен бастамасының арқасында соңғы жылдары барлық деңгейдегі қарым-қатынастар жанданғанын, көп қырлы Өзбекстан-Қытай диалог күшейе түскенін мәлімдеді.

«Өзбекстан-Қытай бизнес-форумын құру екі ел арасындағы экономикалық дипломатияны одан әрі дамытуға, соның ішінде заманауи индустриялық нысандарды, инвестициялық және жоғары технологиялық кәсіпорындарды құру бойынша бірлескен жобаларды жүзеге асыруға негіз болатыны айтылды», делінген хабарламада.

Іс-шара аясында өнімдер көрмесі, сондай-ақ B2B және G2B кездесулер де өтеді.