Өзбекстан алғаш рет сёрфинг спорт түрі бойынша Азия чемпионатына қатысып жатыр.

Өзбекстан Ұлттық олимпиада комитетінің хабарлауынша, қазіргі таңда Үндістанның Махабалипурам қаласында сёрфингтен Азия чемпионаты өтуде.

Бұл жарысқа 19 елден 100-ден астам спортшы қатысуда. Айта кетерлігі, бұл сайысқа алғаш рет Өзбекстан құрамасының өкілі де қатысып жатыр.

«Әйелдер арасындағы бәсекеде ел намысын 20 жастағы спортшымыз Майя Карл қорғауда. Дәстүр бойынша ашылу салтанатында жарысқа қатысушы барлық спортшылар арнайы ыдысты өз елдерінен алып келген құммен толтырды. Біздің спортшымыз бұл шараға Арал теңізінен әкелінген құмды пайдаланды», делінген хабарламада.