АҚШнинг Техас штати, Остин шаҳрида сузиш бўйича ўтказилган АҚШ очиқ чемпионатида терма жамоамиз аъзоси ватанимиз номини улуғлади.

Тўрт кун давом этадиган мазкур нуфузли мусобақанинг илк кунида эркаклар ва аёллар ўртасида 1500 м масофага эркин усулда сузиш дастурларида баҳслар бўлиб ўтди.

Эркаклар ўртасидаги мусобақаларда Ўзбекистон терма жамоаси аъзоси, "Париж-2024" ёзги Олимпия ўйинлари иштирокчиси 23 ёшли Илья Сибирцев стартга чиқди. У маррага 15:05.51 сонияда етиб келиб, ўтказилган АҚШ очиқ чемпионатининг олтин медалини қўлга киритди.

Очиқ чемпионат баҳслари 6 декабрга қадар давом этади.

Т.Рўзиев,

ЎзА