Сув полоси: Йигитларда 2 та ғалаба, қизлар жамоасида 1 тадан ютуқ ва мағлубият
Филиппинда сув полоси бўйича ёш гуруҳлари ўртасида ўтаётган Осиё чемпионатида Ўзбекистон терма жамоаси аъзолари муносиб натижаларга эришмоқда.
Миллий олимпия қўмитаси хабарига кўра, чемпионатнинг биринчи турида Саудия Арабистони жамоасини 14:10 ҳисобида мағлуб этган йигитларимиз бугун, 4 март куни Таиланд терма жамоасини 17:14 ҳисобида доғда қолдирди.
Мусобақанинг қизлар жамоалари ўртасидаги баҳсларда иштирок этаётган ҳамюртларимиз бўлса, биринчи турда Сингапур қизлар терма жамоаси билан мураккаб кечган ўйинда 19:18 ҳисобида ғалабага эришди. Аммо 2-турда Хитой вакилларига 11:19 ҳисобида имкониятни бой берди.
Мусобақалар давом этмоқда.
Т. Рўзиев, ЎзА