Shu kunlarda Toshkent va Namanganda suv polosi bo‘yicha turli yosh toifalarida musobaqalar tashkil etilmoqda.

Namanganda 2007 yilda tug‘ilgan va undan kichik yoshdagi o‘g‘il hamda qizlar o‘rtasidagi musobaqaning o‘g‘il bolalar bahslarida "Sintez", qizlar orasida "Arena" jamoasi oltin medalni qo‘lga kiritdi. 

Toshkentda o‘tayotgan 13 va 15 yosh toifasidagi musobaqada bir qator jamoalar o‘zaro raqobatlashmoqda. 

Jumladan, Yunusobod tumani 2-son sport maktabi - Yakkasaroy tumani 1-son sport maktabi jamoalari bahsi 1-17 hisobida yakunlandi. 

Suv sporti turlariga qarashli ixtisoslashgan sport maktabi – "Germes" bellashuvi 8-7 hisobida yakunlandi. 

Musobaqa davom etmoqda.

Javohir Toshxo‘jayev, O‘zA