Сув хўжалиги вазири Шавкат Ҳамроев йиғилишда муҳокама қилинган масалалар ва келгусида тизимда амалга ошириладиган ишлар юзасидан қуйидагиларни маълум қилди.

"Ўтган йиллар ичида бор йўғи 285 минг гектар, яъни республикамиздаги умумий ер майдонининг 7 фоизида сув тежовчи технологиялар қўлланилган. Бу албатта паст кўрсатгич ҳисобланади. Саъй-ҳаракатларимиз билан жорий йилда бу кўрсатгични 15 фоизга етказдик. Йиғилишда юртбошимиз бизга келгуси йилда бу кўрсатгични 5 карра кўпайтиришимиз кераклигини вазифа қилиб қўйдилар. Бунинг учун барча шароитлар яратилган. Замонавий ускуналар бор. Керакли имтиёзлар берилган. Ҳар бир гектар сув тежовчи технологиялар қўлланилган майдонга субсидалар ажратилмоқда. Юртбошимиз жуда қаттиққўллик билан бизнинг олдимизга вазифалар қўйдилар. 2025 йилда эришимиз керак бўлган вазиятга келгуси 3 йилда эришишимиз вазифасини қўймоқдалар. Шунингдек, йиғилишда электр энергиясини тежаш масаласи кўндаланг қўйилди. Ҳозирда давлат бюджетидан йилига 2 триллион 4 00 миллиард сўм электр энергияси учун сарфланяпти. Охирги 3 йилда сарфланадиган электр энергияси миқдорини 500 миллион кВ га қисқартириб, иқтисод қилмоқдамиз. Лекин бу кам кўрсатгич. Бу йил йиллик электр энергияси истеъмолини 7 миллиард 400 миллион кВ/соатга туширамиз. Яқин йилларда эса бу кўрсатгични 6 миллиард кВ/соатга туширишимиз керак. Яна бир муҳим масала, давлат хусусий шерикчилик масаласи. Бу бўйича юртбошимиз қаттиқ талаблар қўйдилар. Биз бу бўйича катта ишларни олиб бормоқдамиз. Давлат хусусий шериклик агентлиги ташкил этилган. Илк давлат хусусий шериклик корхонасини ташкил этганмиз. Тез кунларда 22 та туманда 50 та давлат хусусий шериклиги ташкил қилинади. Бу билан қарийб 30 фоизга яқин бюджет маблағлар иқтисод қилинади. Бу эса қишлоқ хўжалиги маҳсулотлари ишлаб чиқарадиган корхоналар фойдаси бўлади"