FOTOREPORTAJ

Termiz shahridagi 1-bolalar musiqa va san’at maktabida “Jajji yulduzchalar” ko‘rik-tanlovining Surxondaryo viloyati bosqichi bo‘lib o‘tdi.

Ko‘rik-tanlov mamlakatimizda amalga oshirilayotgan keng ko‘lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta o‘zlashtirgan, har tomonlama sog‘lom va barkamol avlodni voyaga yetkazishga qaratilgan yoshlarga oid davlat siyosatini izchil amalga oshirish, yoshlar o‘z iqtidorini namoyish etishi uchun imkoniyat yaratish hamda ularni rag‘batlantirish maqsadida tashkil etildi.

[gallery-9447]

Ko‘rik-tanlovda jajji ishtirokchilar 4 ta nominatsiya bo‘yicha hakamlar hay’ati tomonidan baholandi.

“Jajji ovoz“ nominatsiyasi bo‘yicha Qiziriq tuman “Bahor yulduzchalari” davlat-xususiy sherikchiligi asosidagi maktabgacha ta’lim muassasasi tarbiyalanuvchisi Navro‘zbek Ulug‘berdiyev, “Milliy raqs“ nominatsiyasi bo‘yicha Sariosiyo tumani 4-davlat maktabgacha ta’lim tashkiloti tarbiyalanuvchisi Mehrangiz Qurbonaliyeva, “Jamoaviy ijro“ nominatsiyasi bo‘yicha Termiz shahridagi 28-davlat maktabgacha ta’lim tashkiloti xor jamoasi, “Raqslar guldastasi“ nominatsiyasi bo‘yicha Denov tumani 26-davlat maktabgacha ta’lim tashkiloti raqs jamoasi birinchi o‘rinni egalladi.

Ko‘rik-tanlov g‘olib va sovrindorlari tashkilotchilar tomonidan diplom va esdalik sovg‘alari bilan taqdirlandi.

Jonibek QO‘ZIMURODOV(surat),O‘zA