FOTOREPORTAJ

Yoshlarni vatanparvarlik ruhida tarbiyalash, bilim saviyasini yuksaltirish, ularda harbiy sohaga bo‘lgan qiziqishni yanada oshirish maqsadida Milliy gvardiya tomonidan hududlarda qator chora-tadbirlar amalga oshirilmoqda.  

Umumta’lim maktablarida Milliy gvardiya harbiy vatanparvarlik sinflari tashkil etilishi, yosh avlod  qalbida Vatanga muhabbat, milliy armiyamizga hurmat, fidoyilik kabi g‘oyalarni shakllantirishga, ularni tanlagan kasbiga sadoqatli etib tarbiyalashga xizmat qilmoqda.

[gallery-16332]

Surxondaryo viloyatida shu kunga qadar jami 4 ta Milliy gvardiya harbiy vatanparvarlik sinfi tashkil etilgan bo‘lsa, bugungi kunga kelib, ularning soni yana 3 taga ko‘paydi. Xususan, Jarqo‘rg‘on tumanidagi 66- hamda 36-umumta’lim maktabining har birida 2 tadan Milliy gvardiya sinflarining ochildi.

Shu munosabat bilan tashkil etilgan tadbirda Milliy gvardiya rahbariyati, tuman hokimligi, maktabgacha va maktab ta’limi bo‘limi mas’ullari, mahalla faollari, nuroniylar hamda keng jamoatchilik vakillari ishtirok etdi.  

Tadbir doirasida harbiy xizmatchilar tomonidan ko‘rgazmali chiqishlar, maxsus texnika va jihozlar namoyishi o‘tkazildi. Chavandozlik hamda kamondan otish sport turi bo‘yicha mahorat darslari tashkil etildi.  

Harbiy vatanparvarlikka ixtisoslashgan Milliy gvardiya sinflari uchun ta’lim maskanining 7-sinf o‘quvchilari saralanib, mashg‘ulot xonalari belgilangan tartibda jihozlandi, o‘quvchilarning ta’lim olishi uchun zarur shart-sharoit yaratildi.  

Tadbir yakunida, Milliy gvardiya mutaxassislari tomonidan o‘quvchilar uchun jasorat darslari olib borildi. Unda yurtimizda yoshlar uchun yaratilayotgan keng imkoniyatlar, qadriyatlarimiz, shonli tariximiz, vatanparvar ajdodlarimiz haqida so‘z yuritilib, tinchlikni qadriga yetish muhimligi ta’kidlandi.  

Aytish kerak, endilikda bu sinflarda o‘g‘il-qizlarga muntazam ravishda harbiy saboqlar berilib, ularning bilim va ko‘nikmalari oshirib boriladi. Bu esa o‘sib kelayotgan yosh avlodni harbiy-vatanparvarlik ruhida tarbiyalash, ularni respublikamizning nufuzli harbiy oliy ta’lim muassasalariga tayyorlashga xizmat qiladi.  

<iframe width="560" height="315" src="https://www.youtube.com/embed/3OWd5tFQQbI?si=VVLRqpjzerXapZzq" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Jonibek QO‘ZIMURODOV(surat),O‘zA