ФОТОРЕПОРТАЖ

Ёшларни ватанпарварлик руҳида тарбиялаш, билим савиясини юксалтириш, уларда ҳарбий соҳага бўлган қизиқишни янада ошириш мақсадида Миллий гвардия томонидан ҳудудларда қатор чора-тадбирлар амалга оширилмоқда.  

Умумтаълим мактабларида Миллий гвардия ҳарбий ватанпарварлик синфлари ташкил этилиши, ёш авлод  қалбида Ватанга муҳаббат, миллий армиямизга ҳурмат, фидойилик каби ғояларни шакллантиришга, уларни танлаган касбига садоқатли этиб тарбиялашга хизмат қилмоқда.

[gallery-16332]

Сурхондарё вилоятида шу кунга қадар жами 4 та Миллий гвардия ҳарбий ватанпарварлик синфи ташкил этилган бўлса, бугунги кунга келиб, уларнинг сони яна 3 тага кўпайди. Хусусан, Жарқўрғон туманидаги 66- ҳамда 36-умумтаълим мактабининг ҳар бирида 2 тадан Миллий гвардия синфларининг очилди.

Шу муносабат билан ташкил этилган тадбирда Миллий гвардия раҳбарияти, туман ҳокимлиги, мактабгача ва мактаб таълими бўлими масъуллари, маҳалла фаоллари, нуронийлар ҳамда кенг жамоатчилик вакиллари иштирок этди.  

Тадбир доирасида ҳарбий хизматчилар томонидан кўргазмали чиқишлар, махсус техника ва жиҳозлар намойиши ўтказилди. Чавандозлик ҳамда камондан отиш спорт тури бўйича маҳорат дарслари ташкил этилди.  

Ҳарбий ватанпарварликка ихтисослашган Миллий гвардия синфлари учун таълим масканининг 7-синф ўқувчилари сараланиб, машғулот хоналари белгиланган тартибда жиҳозланди, ўқувчиларнинг таълим олиши учун зарур шарт-шароит яратилди.  

Тадбир якунида, Миллий гвардия мутахассислари томонидан ўқувчилар учун жасорат дарслари олиб борилди. Унда юртимизда ёшлар учун яратилаётган кенг имкониятлар, қадриятларимиз, шонли тарихимиз, ватанпарвар аждодларимиз ҳақида сўз юритилиб, тинчликни қадрига етиш муҳимлиги таъкидланди.  

Айтиш керак, эндиликда бу синфларда ўғил-қизларга мунтазам равишда ҳарбий сабоқлар берилиб, уларнинг билим ва кўникмалари ошириб борилади. Бу эса ўсиб келаётган ёш авлодни ҳарбий-ватанпарварлик руҳида тарбиялаш, уларни республикамизнинг нуфузли ҳарбий олий таълим муассасаларига тайёрлашга хизмат қилади.  

<iframe width="560" height="315" src="https://www.youtube.com/embed/3OWd5tFQQbI?si=VVLRqpjzerXapZzq" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Жонибек ҚЎЗИМУРОДОВ(сурат),ЎзА