Oliy ta’lim, fan va innovatsiyalar vazirligining Surxondaryo viloyati boshqarmasi boshlig‘i lavozimiga  Sherxon Xamzayevich Kichkilov tayinlandi.

Sh. Kichkilov 1981 yil Termiz shahrida tug‘ilgan. 2002 yil Termiz davlat universiteti, 2006 yil Toshkent davlat yuridik instituti, 2010 yil Termiz davlat universiteti, 2020 yil O‘zbekiston Respublikasi Prezidenti huzuridagi davlat boshqaruvi akademiyasini tugatgan. Ma’lumoti bo‘yicha mutaxassisligi – tarix, yurisprudensiya, iqtisodiyot.

Mehnat faoliyati davomida u bank tizimi, sud va adliya organlarida turli vazifalarda, Surxondaryo viloyati hokimligi kotibiyat mudiri va Davlat aktivlarini boshqarish agentligi viloyat hududiy boshqarmasi boshlig‘i lavozimlarida mehnat qilgan.

2021 yildan mazkur tayinlovgacha Surxondaryo viloyati  innovatsion rivojlanish hududiy boshqarmasi boshlig‘i lavozimida faoliyat yuritib kelayotgan edi. 

Xolmo‘min MAMATRAYIMOV,O‘zA muxbiri