Bu haqda O‘zAga xabar qilgan viloyat hokimligi axborot xizmatiga ko‘ra, Abduraxmanov Abdurasul Nosirjon o‘g‘li Surxondaryo viloyati hokimining jamoat va diniy tashkilotlar bilan aloqalar bo‘yicha o‘rinbosari lavozimida ish boshladi.

A.Abduraxmanov 1990 yil Namangan viloyatidagi Chortoq tumanida tug‘ilgan. 2012 yil Davlat xavfsizlik xizmati institutini tamomlagan. Ma’lumoti bo‘yicha mutaxassisligi – yurisprudensiya, huquqshunos.

Mehnat faoliyati davomida O‘zbekiston Respublikasi Davlat xavfsizlik xizmati idoralari ofitserlari tarkibida harbiy xizmatda bo‘lgan.
Mazkur lavozimga tayinlangunga qadar 2019 yildan Davlat xavfsizlik xizmati Surxondaryo viloyati bo‘yicha boshqarmasi tezkor bo‘linma boshlig‘i vazifasida faoliyat yuritayotgan edi.

Xolmo‘min MAMATRAYIMOV, O‘zA