Аҳолини ўсимлик ёғи билан таъминлаш, импорт ҳажмини кескин қисқартириш мақсадида кунгабоқар, соя, масхар, рапс, кунжут ва зиғир экиладиган майдонлар ҳажмини оширишга эътибор кучайтирилмоқда. Шунга мувофиқ ҳудудларнинг тупроқ-иқлим шароитидан келиб чиқиб, зайтун ўсимлигини плантация усулида етиштириш режалаштирилмоқда.

Бу йил мўътадил об-ҳаво шароитига эга Сурхондарё вилоятининг Олтинсой, Музработ ва Узун туманларининг ҳар бирида 100 гектардан, Бандихон, Жарқўрғон, Сариосиё, Термиз туманларининг ҳар бирида 50 гектардан жами 500 гектар майдонда зайтун плантацияси барпо этилади.

Ушбу ҳудудларда 10 даражагача бўлган совуққа чидамли Италиянинг Арбусано, Арбикино, Испаниянинг Манзания ва Колорес ҳамда Туркиянинг Гемлик навли зайтун кўчатларини ўтказиш мўлжалланмоқда.

Холмўмин МАМАТРАЙИМОВ, ЎзА