Сурия Халқ кенгаши (парламент) олий конституция судидан 51 номзод сайловда иштирок этиши ҳақида ариза олди, деб маълум қилди давлатга қарашли САНА ахборот агентлиги.

Президент сайлови 26 майга мўлжалланган.

2014 йилда бўлиб ўтган президент сайловида иштирок этиш учун 24 номзоддан ариза рўйхатга олинган эди, улардан уч нафари, жумладан, амалдаги президент Башар Асад ҳам сайловда иштирок этганди.

Сурия конституциясига мувофиқ, парламент номзодлардан аризаларни сайловолди компания бошлангандан кейин 10 кун давомида қабул қилади. Охирги куннинг ўзида 12 номзоддан ариза тушган. Бироқ сайловда қатнашмоқчи бўлган фуқароларга камида 35 депутат овоз берсагина улар сайловда қатнаша олади.

Сурия Халқ кенгаши 250 нафар депутатдан иборат экани ҳисобга олинадиган бўлинса, президентлик учун назарий жиҳатдан олиб қараганда фақат 7 киши иштирок эта олади. Шуни ҳам таъкидлаш жоизки амалдаги президент Башар Асад бош котиблик қилаётган Араб социалистик уйғониш партияси ҳаммадан кўп имкониятга эга, чунки ушбу партия парламентда 167 ўринга эга.

Башар Асад Сурия араб республикасига раҳбарликни 2000 йилда отаси Хафиз Асад вафот этгандан кейин қабул қилиб олганди.