Сурияда коронавирус юқтириш ҳолати яна тўрттага кўпайди
Сурияда коронавирусга чалинганлар сони ўтган якшанба куни 9 кишига етган эди.
Сурияда коронавирусга чалинганлар сони ўтган якшанба куни 9 кишига етган эди. Якшанба куни яна тўртта вирус юқтириш ҳолати қайд этилди, деб маълум қилди мамлакат соғлиқни сақлаш вазирлиги.
Бундан аввал Сурияда илк бор коронавирус юқтирган бемор вафот этгани ҳақида хабар берилган эди. Ўшанда бемор аёл жонлаштириш бўлимига олиб борилган заҳотиёқ вафот этгани айтилганди.
Сурия ҳукумати коронавирус тарқалиш хавфи кучаймасдан туриб, 25 мартдан мамлакатда комендантлик соатини жорий қилди. Одамлар тўпланиши эҳтимоли бўлган барча жойлар, жумладан, аэропортлар, денгиз портлари ва қуриқликдаги чегара постлари ёпилди. 16 апрелгача фуқароларнинг бир вилоятдан бошқа вилоятга ҳаракатланишига ҳам чек қўйилди.