Сурия муваққат Президенти Аҳмад Ал-Шараъ БМТ Бош Ассамблеяси 80-сессиясида иштирок этиш учун Вашингтонга келди. "Syria TV" хабарига кўра, бу мамлакат рҳбарининг 1967 йилдан бкён АҚШга илк расмий ташрифидир.

Телеканал ахборотида Аш-Шараъга тўрт нафар вазир ҳамроҳлик қилаётгани келтирилган. Мазкур воқеа доирасида икки давлат дипломатик муносабатини тиклаш, жумладан Вашингтонда Сурия элчихонасини расман очиш масаласи муҳокама қилиниши кутиляпти.

24 сентябрь куни Аш-Шараъ БМТ Бош Ассамблеясида нутқ сўзлайди. "CBS News" телеканали орқали Оқ уй мухбири Женнифер Жейкобс хабар беришича, Президент Дональд Трамп ва Сурия раҳбари учрашуви режаси ишлаб чиқилмоқда.

14 май куни Трамп Ар-Риёдда Аш-Шараъ билан музокара ўтказганди. Америка раҳбари Вашингтон Дамашққа нисбатан ўнлаб йил давом  этган санкция бекор қилинишини маълум қилди. 1 июль куни у Сурияга қарши бир томонлама санкция режимини бекор қилиш тўғрисидаги фармонни имзолади.

М.Пирматова, ЎзА