Сурия ташқи ишлар вазири Файсал Мекдад Россиянинг Украина шарқидаги икки минтақани республика деб тан олиш қарорини қўллаб-қувватлади. Бу ҳақда “Reuters” агентлиги хабар берди.
Президент Владимир Путин айнан Украина таркибидаги икки минтақани мустақил республика дея қарор қабул қилганидан сўнг АҚШ ва бошқа айрим мамлакатлар Россияга қарши санкциялар эълон қиляпти.
– Сурия Владимир Путиннинг Донецк ва Луганск халқ республикалари мустақиллигини тан олиш тўғрисидаги қарорини қўллаб-қувватлайди, – дея таъкидлаган Файсал Мекдад Москвадаги тадбир чоғида.
Вазир, шунингдек, ғарбнинг Россияга қарши қилаётган ишларини террорчилик уруши пайтида Сурияга қарши қилган ишга ўхшатган.
Эслатиб ўтамиз, 2015 йил Сурияда ҳарбий кампания бошлаганидан буён мамлакат Москванинг ишончли иттифоқчисига айланган, бу эса фуқаролар урушини президент Башар ал-Ассад фойдасига ўзгартирган эди.
– Сурия Донецк ва Луганск республикалари билан муносабатларни ўрнатиш ва ўзаро манфаатлар устида ишлашга тайёр эканини тасдиқлайди, – дейилади хабарда.