Кеча Coca-Cola Суперлига клублари бош мураббийлари ва раҳбарлари, шунингдек, ЎзПФЛ ва ЎФА раҳбарияти чемпионат учрашувларини қандай давом эттириш юзасидан фикр алмашди.

Йиғилишга ЎФА биринчи вице-президенти Равшан Эрматов ҳамда ЎзПФЛ бош директори вазифасини бажарувчи Диёр Имомхўжаев бошчилик қилди.

Кўпчилик овоз бўйича мавжуд шароитдан келиб чиқиб, август ойи сўнгига қадар Суперлиганинг биринчи давра учрашувлари марказлашган ҳолда Тошкент шаҳри ва вилояти стадионларида ўтадиган бўлди. Бунда асосий жамоалар табиий майдонларда, U-21 жамоалари эса сунъий майдонларда учрашув ўтказади.

Келишувга кўра, барча учрашувлар бетараф стадионларда ўтказилади. Клублар ўзлари танлаб олган қароргоҳда истиқомат қилади ва у ердан фақатгина машғулот ҳамда ўйинларга рухсат этилган автомобилида қатнайди.

Чемпионатнинг иккинчи давраси ва ҳамда кубок учрашувларининг қай тартибда ўтиши масаласи кейинроқ муҳокама этиладиган бўлди. Бунинг учун миллий терма жамоанинг Тожикистон ва Эронга қарши ўртоқлик ўйинларида майдонга тушиши ёки тушмаслиги масаласи тўлиқ ҳал этилиши лозим. Терма жамоалардан ташқари ОФК миқёсида ўтадиган Осиё Чемпионлар лигаси мусобақаси ҳамда Ўзбекистон мезбонлигида ўтадиган ёшлар ўртасидаги Осиё чемпионати масаласи билан боғлиқ янгиликлар ҳам ҳар қандай режага ўз таъсирини ўтказади. ЎзПФЛ термалар билан боғлиқ жараёнлар ҳал этилишига, авиа ва темир йўл қатновлари тикланишига ҳамда карантин қоидаларининг яна бир қатор меъёрлари ўзгаришига қараб кейинги режаларни очиқлаб бораверади.

Қуйида ўйинлар жадвали билан танишиш мумкин. Қайси учрашувнинг қайси майдонда ўтишига яқин кунлар ичида ойдинлик киритилади.

9-тур

14 август, Жума
Бухоро - Бунёдкор

10-тур

17 август, Душанба

Насаф - Сўғдиёна
Бунёдкор - Металлург
АГМК - Локомотив
18 август, Сешанба
Қўқон-1912 - Пахтакор
Машъал - Андижон
Қизилқум - Бухоро
19 август, Чоршанба
Сурхон - Навбаҳор

11-тур

20 август, Пайшанба

Сўғдиёна - Бунёдкор

21 август, Жума

Пахтакор - Насаф
Андижон - АГМК
Локомотив - Қўқон-1912
22 август, Шанба
Навбаҳор - Машъал
Металлург - Қизилқум
Бухоро - Сурхон

12-тур

24 август, Душанба

Насаф - Бунёдкор
Қўқон-1912 - Андижон
Пахтакор - Локомотив

25 август, Сешанба

АГМК - Навбаҳор
Сурхон - Металлург
Қизилқум - Сўғдиёна
26 август, Чоршанба
Машъал - Бухоро

13-тур

27 август, Пайшанба

Андижон - Пахтакор
Локомотив - Насаф

28 август, Жума

Сўғдиёна - Сурхон
Навбаҳор - Қўқон-1912
Бунёдкор - Қизилқум

29 август, Шанба

Бухоро - АГМК
Металлург - Машъал