Yurtimizda futbol bo‘yicha Superliganing 23-tur bahslari bo‘lib o‘tmoqda. Ushbu tur doirasida Toshkentda “Olimpik” va “Qizilqum”, Yaypanda esa “Turon” hamda “So‘g‘diyona” jamoalari o‘zaro raqobatlashdi.

“Jar” stadionida o‘tgan “Olimpik” va “Qizilqum” klublari o‘rtasidagi bahslarda hisob ochilmadi.  

“Turon” “O‘zbekiston” stadionida “So‘g‘diyona”ni qabul qildi. Uchrashuvning birinchi bo‘limi teng kurashlar ostida o‘tdi va hisob ochilmadi. Ikkinchi bo‘limning 58-daqiqasida Ilgiz Tantashev mehmonlar darvozasiga penalti belgiladi hamda Xurshid Muxtorov ushbu vaziyatdan unumli foydalanib jamoasining yagona goliga mualliflik qildi.  

Shu tariqa, “Turon” o‘z maydonida “So‘g‘diyona”ni 1:0 hisobida yengdi.  

Bugun, 27 oktyabr kuni Superliganing 23-tur bahslari davom ettiriladi. Unda “Surxon” Toshkentda “Navbahor”ni qabul qiladi. “Nasaf” esa Qarshida “Metallurg” bilan o‘ynaydi.  

Javohir Toshxo‘jayev, O‘zA