Футбол бўйича Ўзбекистон Суперлигасининг 29-тур ўйинлари доирасида бугун, 21 ноябрь куни бир қатор муҳим баҳслар ўтказилади. Хусусан, “Машъал” – “Навбаҳор”, “Динамо” – “Қўқон-1912” ҳамда “Андижон” – “Хоразм” учрашувлари кун тартибидан ўрин олган.

Куннинг марказий учрашуви шубҳасиз Самарқандда ўтадиган “Динамо” – “Қўқон-1912” баҳси. Сабаби, айни вақтда 56 очко тўплаган “Динамо” жадвалнинг 4-поғонасини эгаллаб турибди. Кеча Тошкентда бўлиб ўтган “Пахтакор” – “Насаф” ўйинидан кейин пойтахт жамоаси 59 очко билан иккинчи ўринга кўтарилди, “Насаф” эса 58 очко билан учинчи ўринга тушиб қолди.

“Динамо” бугунги учрашувда ғалаба қозонса, очколарини 59 тага етказиб, жадвалнинг иккинчи поғонасига чиқиб олади. Бу эса навбатдаги тур учун жадвалда жиддий ўзгаришлар юз беришини англатади ва натижада “Насаф” 4-ўринга тушиб кетиши мумкин.

Бироқ “Қўқон-1912” ҳам бу баҳсга жиддий тайёргарлик билан келмоқда. Жамоа айни дамда 30 очко билан турнир жадвалининг ўрта қисмида бормоқда ва Самарқанддан очко олиш орқали Суперлиганинг кучли ўнталигига қайта олиш имконига эга. Шу боис бугунги ўйин ҳар икки клуб учун ҳам катта аҳамият касб этади.

Жавоҳир Тошхўжаев,

ЎзА