Xiaomi компанияси Mix Flip2 буклама смартфони ва Смарт Банд 10 фитнес билагузугидан ташқари, янги авлод AI Glasses — ақлли кўзойнакларини ҳам тақдим этди. Бу гаджет нафақат замонавий аксессуар, балки кўришни яхшиловчи восита сифатида ҳам хизмат қилиши мумкин — улар тиббий линзаларни қўллаб-қувватлайди.

Асосий техник хусусиятлари 12 МP Sony IMX681 камера — 2К форматда (30 fps) видео ёзади, овозли буйруқ орқали ишга тушади.

6 та микрофон — шамолни 40 км/соат тезликкача бостириш имконига эга.  

2 дона динамика — юқори сифатли аудио чиқиш учун хизмат қилади

AI функциялар: Реал вақт режимида объектларни аниқлаш (масалан, ўсимлик турлари, таомдаги калория, ҳайвонлар ҳақида маълумот).

Овозли ёрдамчи билан мулоқот — саволларга жавоб бериш, буйруқларни бажариш. Мультимедиа функциялари — қулоқчинларсиз қўнғироқлар, мусиқа тинглаш, билдиришномаларни олиш.

Xiaomi бош директори Лэй Цзюньнинг сўзларига кўра, бу қурилма биринчи шахс номидан видео ёзиб олиш, кундалик ҳаётда АИ ёрдамидан фойдаланиш имконини беради ва шахсий ақлли ёрдамчининг янги шаклига айланади.

<iframe width="560" height="315" src="https://www.youtube.com/embed/xx-K_frOI0E?si=g_phJLti_2uUPSRC" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА