Янги илмий тадқиқот шуни кўрсатдики, сунъий интеллект кўкрак қафаси рентгенограммаси орқали инсоннинг биологик ёшини кўрсатади.

Япониядаги энг йирик илм масканларидан бири – Осака университети олимлари кўкрак қафасини рентген нури ёрдамида суратга олиб, одам неча ёшда эканини айтадиган илғор сунъий онг моделини ишлаб чиқди.  

“The Lancet Healthy Longevity” журналида чоп этилган тадқиқот хулосасига кўра, мутахассислар сунъий интеллект томонидан ҳисобланган ёш инсоннинг ҳақиқий ёшига нисбатан қанча катта бўлса, сурункали касалликка чалиниш эҳтимоли шунча юқори бўлишини аниқлади. Муаллиф Ясухито Мицуяма натижа кўкрак қафаси рентгенограммасида аниқланган ёш хронологик ёшдан қатъи назар, саломатлик ҳолатини аниқ акс эттириши мумкинлигини таъкидлайди. Масалан, соғлом одамда кўкрак тасвири орқали аниқланган ёш ҳақиқий ёшга тўғри келади. Кишида гипертензия ёки бошқа сурункали касаллик мавжуд бўлса, сунъий интеллект томонидан ҳисобланган модель беморнинг ҳақиқий ёшига нисбатан юқори кўрсаткич беради.