Сунъий интеллект инновацион технологиялар билан яшаш тарзимизни буткул ўзгартирди. Сунъий интеллект инсоният ҳаётига тезлик билан мослашиб, бирдек оммалашиб, жамиятнинг ҳар бир соҳасига ўз таъсирини ўтказиб келмоқда. Сунъий интеллект атамаси илк бора 1956 йилда илмий конференциялардан бирида киритилган. Конференциянинг муҳокамаси фанлараро ахборот технологиялари табиий тил генерациясига олиб келди. Сунъий интеллект технологияси ўттиз йил давомида мустақил технология бўлган, аммо ҳозирда ушбу технология иловалари ҳаётнинг барча соҳаларида кенг тарқалиб улгурган.

Сидней университети ва бошқа муассасалар, жумладан, Хитойнинг табиий фанлар миллий жамғармаси тадқиқотчилари гуруҳи вирусология соҳасида ютуқ яратди. Илғор сунъий интеллект технологиясидан фойдаланган ҳолда олимлар РНК генетик материалини ўз ичига олган 161 979 та янги турдаги вирусларни аниқладилар. 

<iframe width="650" height="420" src="https://www.youtube.com/embed/2-1_p-rBb1o" title="Sunʼiy intellekt 161 979 ta yangi turdagi virusni aniqladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Бунинг учун олимлар вирусларнинг кенг генетик маълумотларини таҳлил қила оладиган LucaProt деб номланган чуқур ўрганиш алгоритмини ишлаб чиқдилар. Ушбу алгоритмдан фойдаланиб, тадқиқотчилар жуда кўп миқдордаги маълумотларни таснифлаш ва тизимлаштиришга муваффақ бўлишди, бу уларга жуда кўп миқдордаги янги вирус турларини топишга имкон берди. 

Ушбу вирусларнинг кўпчилиги фанга аллақачон маълум бўлган бўлсада, сунъий интеллект олимларга ушбу маълумотларни тартибга солиш ва уларни тоифаларга ажратиш имконини берди. 

М.Турдалиева, У.Тўхтаев (видео), ЎзА