Qashqadaryo viloyati sudlari mutasaddilari tomonidan Yakkabog‘ tumanida sud-huquq masalalari bo‘yicha sayyor qabul o‘tkazildi.

Jinoyat va huquqbuzarliklarning oldini olish, aholining huquqiy mavzudagi murojaatlariga yechim izlashga qaratilgan ishlarni jonlantirish maqsadida Qashqadaryo viloyati sudlari mutasaddilari tomonidan Yakkabog‘ tumanining olis Tatar mahalla fuqarolar yig‘inida sayyor qabul tashkil etildi.

Cayyor qabul davomida turli masalalarda huquqiy maslahat va ko‘mak so‘rab kelgan 16 nafar fuqaroning murojaati tinglandi. Qabul qilingan fuqarolarning 8 tasi fuqarolik, 4 tasi jinoyat va 4 tasi iqtisodiy ishlar bo‘yicha murojaat qildi. Murojaatlar sud mas’ullari tomonidan atroflicha o‘rganildi. Ko‘mak so‘rab kelgan fuqarolarga huquqiy maslahatlar berildi.

O‘lmas Barotov, O‘zA muxbiri