Al-Arabiya телеарнасының хабарлауынша, ұшақ Вади-Сейдна авиабазасының маңында тұрғын үйлерге жақын жерде құлаған. Оқиға салдарынан бірнеше ғимаратқа зақым келді.

Associated Press агенттігінің деректеріне сәйкес, нақты үлгісі көрсетілмеген «Ан» ұшағының апатынан 46 адам қаза тапқан, олардың арасында әскери қызметкерлер де, бейбіт тұрғындар да бар.

Апаттың ресми себебі әлі анықталған жоқ, алайда Reuters агенттігінің дереккөздері ұшақтың техникалық ақаулар салдарынан құлағанын мәлімдеді. Қайтыс болғандар қатарында бұрын Судан астанасы Хартумның армия қолбасшысы болған генерал-майор Башир Ахмед те бар.