Суданда қақтығыстан қаза тапқандар саны 958-ге жетті
Судан армиясы мен Жедел әрекет ету күштері /РРФ/ арасындағы қарулы қақтығыстарда қаза тапқан бейбіт тұрғындар саны 958 адамға жетті.
Судан дәрігерлер одағының хабарлауынша, жарақат алған бейбіт тұрғындар саны 4746-ға жеткен.
Біріккен Ұлттар Ұйымының Гуманитарлық істерді үйлестіру кеңсесі сейсенбі күні қақтығыс басталған 15 сәуірден бері 1,9 миллионнан астам адамның Суданның ішінде және одан тыс жерлерде босқын болып, қауіпсіз жерлерге қашып кеткенін хабарлады.
Гуманитарлық істерді үйлестіру кеңсесі мәліметтері бойынша, судандықтар қашқан елдер Орталық Африка Республикасы, Чад, Египет, Эфиопия және Оңтүстік Судан.