Судан армияси сешанба куни тўнтаришга уринишнинг олди олингани ҳақда баёнот берди, деб хабар бермоқда al-Mayadeen телеканали.
"Тўнтаришга уриниш бўлди, лекин амалга ошмади. Халқ тўнтаришларга қаршилик кўрсатиши керак", - дейилади Суданнинг вақтли Суверен кенгаши вакили телеканал орқали. Унинг таъкидлашича, вазият назорат остида турибди.
Телеканалнинг хабар беришича, армия тўнтаришни режалаштирган зобитларни ҳибсга олган.
Суданда 2018 йилда иқтисодий инқироз туфайли оммовий норозиликлар бошланган эди. Натижада 2019 йил апрелда мамлакатда ҳарбий тўнтариш амалга оширилди. 30 йилдан буён президентлик лавозимида ўтирган Омар ал-Башир ҳокимиятдан четлаштирилиб, кейинчалик қамоқхонага жойлаштирилди.
2019 йил август ойида Суданнинг вақтли ҳарбий кенгаши раҳбари Абдул Фаттаҳ аль-Бурхон мамлакатнинг Суверен кенгаши раҳбари сифатида қасамёд қабул қилди.
2019 йил 21 августда эса Суданнинг янги бош вазири сифатида Абдулла Хамдоқ қасамёд қабул қилди. Ҳарбий ва фуқаролик ҳокимияти кенг қамровли сиёсий ва иқтисодий ислоҳотлар ўтказиш учун ўтиш даври ҳақида келишиб олганди.